En media 9,3 dis han persunas che lavuran cumplain mancà il 2022, pervi da malsogna u accident. Las absenzas al plaz da lavur èn uschia stadas l'onn passà radund in tschintgavel pli autas, che durant la pandemia da corona. E cumpareglià cun ils onns avant la pandemia, èn las absenzas perfin stadas in terz pli autas.
Sco ina da las raschuns numnan las gasettas, che la glieud saja pli sensibilisada per lur sanadad. Vitiers haja dà la stad extraordinaria l’onn passà procurà per in augment dals accidents en temp liber.
La gruppa ch'è il pli savens absenta al plaz da lavur pervi da malsogna u accident, èn las persunas da 15 fin 24 onns. Lur absenzas èn s’augmentadas cleramain davent da la pandemia.