Las cifras da l'enquista èn cleras. Stress fatschenta lavureras e lavurers svizzers. In terz da quels e quellas tira schizunt en consideraziun da midar la plazza. Quai mussa ina enquista da Travailsuisse e la Scol'auta bernaisa.
Tar l'enquista annuala sa mussa che la cumpart da persunas stressadas è s'augmenta sin 43%, 2016 era ella anc tar 38%. Las cundiziuns da lavur èn spezialmain grevas en la sanadad publica, tge che haja gia sa mussà durant la pandemia, uschia Léonore Porchet, vicepresidenta da Travail Suisse. Dus terzs da las persunas dian plinavant ch'ellas lavuran magari durant il temp liber per dumagnar lur incumbensas.
La mancanza da spezialistas e spezialists e la dischoccupaziun bassa sentan dentant er ils lavurers e las lavureras. Mo 11% fan quitads per lur plazza, e teman da perder quella. Stress saja il pli grond problem, di er il president da Travail Suisse Adrian Wüthrich e pretenda ch'i duai avair prioritad en la politica da midar quai.
