Siglir tar il cuntegn

Header

video
Mutaziun dal coronavirus en Svizra
Or da Tagesschau dals 24.04.2021.
laschar ir
cuntegn

Mutaziun dal coronavirus Constatà emprim cas da mutaziun da l'India

Sco l’Uffizi federal da sanadad ha communitgà sin Twitter, sa tractia dad in passagier che saja vegnì en Svizra via in sgol da transit. Actualmain vegnia sclerì, sche l’India stoppia vegnir messa sin la glista da pajais da ristg da la Confederaziun, hai num vinavant. En Germania vala, tenor l'agentura da novitads DPA, a partir da glindesdi in scumond d'entrar en il pajais per persunas che vegnan da l'India.

L’Organisaziun mundiala da la sanadad WHO observescha la nova mutaziun B.1.617. Quella duaja esser responsabla per il grond augment d’infecziuns novas en l’India. Entaifer 24 uras èn vegnids registrads 332'730 cas da corona, tants sco en nagin auter pajais dal mund avant. Motiv vegn era ad esser la gronda negligientscha. I haja dà blers arranschaments da massa e festas religiusas nua che la glieud n'haja betg purtà mascrina u tegnì en la distanza.

Ord l'archiv

Mutaziun da coronavirus.

video
La mutaziun dal coronavirus – co va quai, e daco ch’il virus è tuttenina pli contagius
Or da Minisguard dals 23.01.2021.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga