Il chantun Solothurn curregia ses resultat da la dumengia davart la refurma da l'AVS. Il chantun ha refusà quella e betg acceptà, communitgescha la chanzlia chantunala. Tar il biro electoral a Balsthal saja vegnì scumbiglià las vuschs da Gea e Na – quai ch'haja cupitgà ils resultats dal chantun. Constatà quai hajan ins glindesdi tar la controlla e la verificaziun dals cedels da votar.
Resultat svizzer resta
Vi dal resultat svizzer na mida quest sabagl a Solothurn però nagut. Il suveran ha approvà dumengia la revisiun da l'AVS cun in avantatg da passa 31'800 vuschs.