Siglir tar il cuntegn

Header

cuntegn

Nagina dictatura «PPS ha surpassà in cunfin»

purtret dals dus.
Legenda: President da la Confederaziun Guy Parmelin e cussegliera federala Karin Keller-Sutter. Keystone

Il president da la Confederaziun, Guy Parmelin n'è betg dal medem avis sco sia partida. El e la ministra da giustia Karin Keller-Sutter han renvià la renfatscha da la PPS che la Svizra saja daventada en la pandemia da corona ina dictatura sut la direcziun dal minister da sanadad Alain Berset.

En Svizra haja il pievel il davos pled, ha Parmelin ditg en gasettas da CH-Media. La fermezza da la Svizra sajan sias instituziuns, ha Keller-Sutter ditg en la medema intervista dubla.

purtret da Mattea Meyer
Legenda: Mattea Meyer, la co-presidenta da la Partida socialdemocratica. Keystone

Er la co-presidenta da la PS, Mattea Meyer ha ditg en ina intervista cun las gasettas da Tamedia che cun la pretensiun che la Svizra saja daventada ina dictatura haja la PPS surpassà in cunfin. Cunter ina dretga dictatura fiss opposiziun violenta lubida ed er necessaria. Cun sia renfatscha dettia la PPS ina stgisa als adversaris da las mesiras da corona da far diever da violenza. Quai saja in privel massiv per la democrazia, uschia Meyer vinavant.

RTR novitads 10:00

Artitgels legids il pli savens

Scrollar a sanestra Scrollar a dretga