Pro Natura ha tschernì l'animalet sco ambassadur per auals schubers e natirals ed appelescha uschia ad ina meglra protecziun da las auas currentas da la Svizra. Sco quai che l'organisaziun d'ambient scriva, saja l'elecziun dal giombregl da flum er in ommagi als animals pitschens da pauca preschientscha, che mettian dentant en moviment in sistem ecologic.
Il giombregl da flum è in animalet grond sc'in'ungla e la spezia da giombregls la pli derasada en Svizra. El colonialisescha bunamain tuttas parts dal pajais fin var 1'300 meters sur mar. Sulettamain en il Tessin ed en singulas vals dal sid para la spezia da mancar.
Ord l'archiv
Il giat selvadi europeic è l'animal da l'onn 2020 - e duai esser ambassadur per ils guauds selvadis e las cuntradas culturalas multifaras.
