Tge ch'èn ils motivs per il naufragi da la lescha da CO2 n'è betg cler, ha ditg Simonetta Sommaruga a la conferenza da medias dal Cussegl federal. La lescha saja probabel stada surchargiada. Uschia saja era il punct d'attatga pli gronds. Il Cussegl federal era s'explitgà per la lescha da CO2.
Tenor Simonetta Sommaruga saja ussa grev da cuntanscher las finamiras per la protecziun dal clima. Senza novas mesiras na saja strusch pussaivel. Ella veglia perquai tschertgar las proximas emnas il discurs cun il parlament e suttametter al Cussegl federal ina lescha che promova las energias regenerablas.
