Quest fenomen datti tranter auter er en l'Engiadin'Ota. Il pli fraid na vegni betg sin la Corviglia, mabain a Samedan. La notg da dumengia sin glindesdi han ins registrà -26,2°C a Samedan e sin la Corviglia eran quai -17°C. Dentant co va quai?
Aria fraida è pli greva ch'aria chauda
Aria fraida è pervia da sia spessezza pli greva ch'aria chauda. Durant notgs cleras e fraidas na sa rimna quest'aria betg sin ils piz da las muntognas, mabain l'emprim en la bassa da la val.
Per ch'i vegn propi fraid la notg, stoi esser cler e senza vent. Plinavant dovra il terren ina tscherta furma. Il meglier èsi sch'i dat ina foppa nua che l'aria na po betg currer davent. L'aria fraida e greva sa sbassa da la spunda giu fin il lieu il pli bass e resta là. Uschia sa furman quests vonns d'aria fraida.
Dapli da vonns d'aria e staziuns da mesiraziun datti qua:
Or da l'Archiv