L'allianza militara la Nato duai vegnir a Genevra ed endrizzar là in biro da contacts. Tant il Cussegl federal sco la Nato han gia dà lur consentiment. Quai mussa in document da l'armada svizra che la gasetta emnila «Woz» ha publitgà sin sia pagina d'internet. Il nov biro da contacts da la Nato po collavurar a Genevra cun l'ONU e bleras organisaziuns internaziunalas ch'an là lur sedia.
In termin na saja anc betg elavurà en detagl, hai num. Ins possia dentant quintar ch'il biro a Genevra possia vegnir avert il 2024.
La gievgia festivescha la Nato a Brüssel ses 75 onns existenza. Quai cun ina ceremonia e divers discurs.
