Siglir tar il cuntegn

Header

video
Marco Chiesa di, la PPS na vegnia betg a sa midar
Or da News-Clip dals 22.08.2020.
laschar ir
cuntegn

Nov president e parolas Marco Chiesa nov president da la PPS

Cun gronda maioritad han ils delegads e las delegadas da la Partida populara svizra elegì Marco Chiesa sco lur nov president. Vitiers ha la PPS prendì la parola Gea per lur Iniziativa da limitaziun e per las deducziuns per la tgira d'uffants. La parola Na vala per il congedi da paternitad.

Tar la radunanza da delegads a Brugg n'ha dà nagina cumbat tar l'elecziun dal president. Il cusseglier naziunal Alfred Heer da Turitg n'è betg stà a disposiziun. La partida chantunala turitgaisa ha sustegnì il sulet candidat Marco Chiesa.

Alfred Heer aveva laschà avert fin il davos, sch'el vegnia a star a disposiziun per l'elecziun a la radunanza da delegads. Oriundamain aveva la PPS turitgaisa al nominà.

Parolas che la PPS ha decidì a Brugg

  • Per l'atgna «Iniziativa da limitaziun» datti ina recumandaziun unanima da dir Gea.
  • La parola Gea vala per la votaziun davart aviuns da cumbat: 361 delegads han sustegnì la cumpra, in è stà cunter e dus s'han abstenì da lur vusch.
  • Per il congedi da paternitad han ils delegads decidì la parola Na, cun 318 cunter 32 vuschs e 3 abstenziuns.
  • Il venderdi ha la suprastanza da la PPS decidì unanimamain la parola Gea per las deducziuns per la tgira d'uffants.
  • Gia pli baud aveva la radunanza da delegads prendì la parola Gea tar la revisiun da la lescha da chatscha.

RTR novitads 15:00

Artitgels legids il pli savens

Scrollar a sanestra Scrollar a dretga