Ils rapports da medias hajan ins pudì verifitgar. Betg be il manager Iqbal Khan è vegnì surveglià avant sia midada tar la concurrenta UBS. Er il schef da persunal da quai temp, Peter Goerke hajan ins surveglià per intgins dis il favrer. Quai na saja betg acceptabel e betg commensurà. Els sajan sa perstgisads. Dà l'incumbensa per survegliar haja il commember da la direcziun dal concern, Pierre-Olivier Bouée. El haja la banca relaschà senza preavis.
Il schef da la banca, Tidjane Thiam, sco er il cussegl d’administraziun n’hajan betg gì enconuschientscha da questas acziuns – uschia la CS vinavant.
RTR novitads 09:00
