La populaziun svizra pudess crescher quest onn uschè fitg sco anc mai. L'interpresa da cussegliaziun Wüest Partner quinta cun in augment da 148'000 persunas, sco che la «NZZ am Sonntag» rapporta.
La Confederaziun percunter aveva anc quintà pli conservativ avant trais onns e prognostitgà in augment da 70'000 persunas per il 2023. La discrepanza sa resulta periva dad effects sco la pandemia u er la situaziun cun la guerra en l'Europa da l'ost. Il motor principal per l'augment da la populaziun saja l'auta immigraziun da forzas da lavur.
