Siglir tar il cuntegn

Header

cuntegn

Nov record da november 6,2 grads sin il Jungfraujoch

Anc mai èsi stà en ils auts il november uschè chaud sco actual. Sin il Jungfraujoch, sin bunamain 3'600 meters sur mar, han ils termometers inditgà 6,2 grads, scriva SRF Meteo sin sia pagina d'internet. Fin uss era il record tar 4,7 grads ils 6 da november 1992. Quel è dentant gia vegnì surpassà ils 2 da november cun 4,8 grads. Sin las autras staziuns da muntogna saja medemamain stà chaud, i n'haja dentant betg tanschì per novs records, scriva SRF Meteo.

0 grads sin 4'200 m

Era il cunfin da 0 grads haja cuntanschì in nov record. La sonda dal ballun da l'aura ha inditgà 0 grads pir sin passa 4'200 meters. Quai n'haja anc mai dà. Il november 2020 rumpa incuntin records. Gia ils 2 da november saja fin uss stà il pli chaud di da november en Svizra dapi ch'ins possia sa regurdar.

Memia sitg

Il november 2020 è fin uss dentant er sitg, memia sitg. Da Glion fin a Cuira n'hai fin oz dà gnanc in soli dagut. Gievgia datti in zic plievgia u naiv, en general cuntinueschia dentant sitg.

audio
Per tadlar – curt e concis
ord RTR Audio dals 19.11.2020. Maletg: RTR
laschar ir. Durada: 1 minuta 14 Secundas.

RTR novitads 21:00

Artitgels legids il pli savens