Malgrà che la Svizra ha exportà en general damain l'onn passà: ils exports d'armas èn s'augmentads. Quai per 24%, sco il Secretariat da stadi per l'economia communitgescha che lubescha quests exports da material da guerra.
Nov record
Cun la lubientscha da la Confederaziun èsi vegnì exportà material da guerra en la valita da passa 901 milliuns francs e quai en 62 pajais. Il plus da 173 milliuns francs è surtut d'attribuir a fatschentas pli grondas cun il Danemarc, l'Indonesia, ma er la Botswana e la Rumenia.
Guardà sur tut ils exports svizzers è la cumpart dals exports d'armas creschida l'onn passà sin in nov stan da record.
Ord l'archiv
video
Bunas fatschentas per industria d'armaziun il 2018
Or da Tagesschau dals 26.02.2019.
laschar ir. Durada: 2 minutas 36 Secundas.
