La basa da la PBD svizra sustegn l'idea da furmar ina nova partida dal center ensemen cun la PCD. Tar ina enquista han 60% da las persunas dumandadas sustegnì quell'idea. Per la suprastanza da la partida rinforza quest resultat las tractativas actualas cun la PCD. I na stettia uss nagut pli en ils pes per concretisar quellas, scriva la partida.
Il matg avevan las duas partidas communitgà, ch'ellas hajan cumenzà discurs davart la furmaziun d'ina nova, cuminaivla partida dal center. Ina decisiun davart ina fusiun da la PCD e PBD duai dar fin la fin da quest onn. Omaduas partidas han ils ultims onns pers adina dapli electurs.
Ensemen cun l'EVP furman las duas partidas gia ina fracziun communabla en il Cussegl naziunal. Suenter la PPS e la PS è quella la terz ferma fracziun en la Chombra gronda.
