La finamira è da producir duas uras terawatt energia solara. Fin che quai è cuntanschì, duai esser pli simpel da survegnir lubientschas. E la confederaziun offrescha subvenziuns: 60% dals custs d'investiziun vul ella surprender.
Aut tempo pretendì
Il Cussegl federal ha uss fixà definitavamain las cundiziuns per las subvenziuns:
- Ina part da l'energia sto esser pronta gia fin la fin dal 2025 (10% da la producziun totala planisada).
- L'ovra entira sto esser pronta il 2030.
Però sche l'ovra è fitg gronda, na vala la regla da 10% betg, e l'ovra stuess sulettamain producir 10 uras gigawatt avant il 2026. En il Grischun san ins gia d'almain sis plans per ovras solaras. En tut spetga il Cussegl federal cun fin 200 ovras che cumenzan a producir il 2025.
Sulettamain sin surfatschas cun culturas alternantas per l'agricultura na duai dar naginas ovras, ha il Cussegl federal decis.
audio
Per tadlar: las novitads da las 16:00
ord RTR Audio dals 17.03.2023.
laschar ir. Durada: 3 minutas 19 Secundas.
