Dapi ch'il parlament svizzer ha annunzià in'offensiva solara, han producents d'energia annunzià in'ovra solara suenter l'autra. Er en il chantun Grischun èn actual almain sis novas ovras planisadas. Per ils producents spetgan numnadamain subvenziuns generusas da la Confederaziun.
Survista en il Grischun
Betg tuttas ovras ch'èn planisadas han las medemas dimensiuns. Ils pli gronds èn ils plans per las ovras a Mustér, Scuol e Samedan. Dimensiuns mudestas han perencunter ils plans a Trun.
Tenor l'anteriur minister d'energia Mario Cavigelli na datti en il Grischun betg pli paucs plans ch'en auters chantuns. I vegnia dentant betg communitgà uschè offensivamain, sco per exempel en il Vallais.
Per ovras che dumognan dad ir a la rait avant il 2026 spetgan grondas subvenziuns. I dat dentant en general restituziuns singularas per indrizs solars (er per pitschens) ed in levgiament dal process da lubientscha en general. Quai fin che la finamira da la Confederaziun è ademplida.
