Siglir tar il cuntegn

Header

video
Il luf ha fatschentà il Cussegl naziunal la mesemna
Or da Telesguard dals 10.03.2021.
laschar ir
cuntegn

Omaduas chombras din Gea Luf duai vegnir protegì damain

Omaduas chombras a Berna vulan dapli instruments, per tegnair a mastrin lufs e per proteger muntaneras.

Il Cussegl naziunal ha approvà la mesemna ina moziun da sia cumissiun da l'ambient, cun 136 cunter 36 vuschs e 17 abstenziuns. Il Cussegl dals chantuns aveva approvà ina moziun identica da sia cumissiun il mardi.

Las moziuns pretendan tranter auter ch'i vegn adattà ils criteris per che lufs pon vegnir sajettads pli spert, sch'els han stgarpà animals da niz. Uss che omaduas chombras han ditg Gea a las moziuns, sto il Cussegl federal sa metter a la lavur.

audio
La discussiun da lufs ha fatschentà oz a Berna
04:16 min, Actualitad dals 09.03.2021.
laschar ir. Durada: 04:16 minutas.

Quai vulan las moziuns:

Tenor las moziuns da la cumissiun d’ambient dal Cussegl naziunal e dals chantuns, duai il futur esser pussaivel da sajettar pli spert lufs che stgarpan blers animals da niz u che sa deportan a moda betg natirala, che han per exempel pers la tema dal carstgaun. Il Cussegl federal duai perquai reducir il dumber d'animals stgarpads ch'i dovra per dar la lubientscha da sajettar il luf e sch'i vegn stgarpà muvel grond sco vatgas u asens lura duain valair autras limitas che per nursas.

Ultra da quai duain las mesiras per proteger las muntaneras vegnir rinforzadas. Tut quai entaifer las limitas che la lescha lubescha actualmain. Il Cussegl federal ha gia annunzià ch'el sustegnia la finamira da la moziun e propona perquai d'acceptar quella.

Reacziun sin votaziun

Cun las duas moziuns reageschan ils iniziants sin la votaziun davart la revisiun da la lescha da chatscha che ha fatg naufragi il settember passà. 52% da las persunas ch'eran idas a l'urna avevan lura detg Na a la midada che leva tranter auter dar enta maun als chantuns da regular ils trieps da lufs.

audio
Per tadlar - curt e cumpact
01:02 min, RTR Audio dals 11.03.2021.
laschar ir. Durada: 01:02 minutas.

RTR novitads 06:00

Artitgels legids il pli savens

Scrollar a sanestra Scrollar a dretga