Cun il barat d'infurmaziun automatic duai vegnir impedì omissiun fiscala, dentant betg tuts pajataglia vulan declerar lur contos. Dapi il 2018 han 25 persunas fatg recurs cunter il barat d'infurmaziun da las datas finanzialas.
L'administraziun federala da taglia ha confermà quest dumber envers il radio SRF. Avant 3 onns è la Svizra s'affiliada al standard global AIA. Per che nagin vegn pervi da quest standard en difficultads seriusas ha il parlament integrà in frain d'urgenza: la pussaivladad da recurs.
RTR novitads 09:00
