Siglir tar il cuntegn

Header

cuntegn

Onn 2021 80% energia regenerabla ord las bischlas

L'onn 2021 è l'energia ord bischlas svizras stada per gronda part idraulica, numnadamain 68%. Plinavant eran 11,5% ord autras funtaunas d'energia regenerabla sco vent u sulegl. Mo 18,5% vegniva dad ovras atomaras ed 1,9% dad energias fossilas. Questas cifras davart il mix d'electricitad ha l'Uffizi federal per energia communitgà.

Cun quai s'engrondescha la quota d'energia regenerabla da 76% l'onn passà sin 80% l'onn current. Creschida è oravant tut la quota dad energias regenerablas sco vent u sulegl, da 10,3% sin 11,5%.

Energia idraulica per part importada

76% da l'energia idraulica ch'è vegnida duvrada en Svizra è vegnida producida en Svizra. Pli bassa è dentant la cumpart d'energia idraulica che vegn propi era producida en Svizra, numnadamain 61,5%.

La quota d'energia atomara producida en Svizra munta a 28,9% – quai è dentant dapli che quai che Svizras e Svizzers dovran, uschia ch'ina part da l'energia atomara vegn exportada.

audio
Per tadlar: las novitads da las 14:00
ord RTR Audio dals 05.09.2022.
laschar ir. Durada: 3 minutas 23 Secundas.

Per l'emprima giada n'hai il 2021 betg pli dà l'uschenumnada electricitad grischa. Pia ch'i n'era betg enconuschent danunder che la forza electrica vegniva.

RTR novitads 14:00

Artitgels legids il pli savens