La direcziun da la SBB desista dad ina part da la paja da l’onn passà. Quai scriva la «NZZ am Sonntag». Tenor quai desistan ils top managers enturn il schef Vincent Ducrot d’almain 10% da la part da la paja ch'è variabla. Er il pli aut cader desistia d’ina part, numnadamain da 5%.
Las collavuraturas ed ils collavuraturs sajan gia vegnids infurmads davart questa decisiun. Sch'il resultat dal 2020 saja anc mender che spetgà, pudess la direcziun anc desister da dapli.
Pervi da la pandemia da corona ston las Viafiers federalas svizras magunar in deficit enorm e spargnar 250 milliuns francs. Ducrot ha discurrì il december passà d’ina perdita da probabel 600 milliuns francs.
Ord l'archiv
audio
Bigliets automatics da la SBB
ord Co e cum dals 14.11.2019.
Maletg: RTR
laschar ir. Durada: 3 minutas 30 Secundas.