Siglir tar il cuntegn

Header

cuntegn

Onn da record per giaglinom 200 ovs e bun 11kg charn–pulaster per persuna

Svizras e Svizzers han adina dapli plaschair vid giaglinas, tant vid tegnair pulom sco er vi da lur products. Il 2019 era l'effectiv da giaglinom en Svizra tar 11,9 milliuns animals – uschè blers sco anc mai. Quai ha communitgà l'Uffizi federal da statistica.

Tegnair giaglians è in veritabel boom

Avant 100 onns era l'effectiv tar 2,9 milliuns animals. Dapi lura è il dumber creschi cuntinuadamain – oravant tut dapi l'onn 1996. Dapi lura è il dumber da giaglinom sa dublegià. En la statistica dat era en egl ch'adina pli paucs manaschis han adina dapli giaglinas. Il 2019 devi en Svizra radund 14'000 manaschis che tegnevan giaglinas, aucas, andas u struts.

Però er ils products èn tschertgads. En media ha mintga abitant e mintga abitanta en Svizra mangià il 2019 radund 200 ovs e quasi 11 kg charn-pulaster. La producziun en Svizra vegn da cuvrir 56% dal consum total d'ovs e 58% dal consum da charn-pulaster.

audio
Per tadlar curt e cumpact
ord RTR Audio dals 02.02.2021.
laschar ir. Durada: 1 minuta 12 Secundas.

RTR novitads 10:00

Artitgels legids il pli savens