25 pèrs da tschess barbet han tenor la fundaziun Pro Girun tratg si cun success in animal giuven il 2023. E per la prima giada è la tratga da giuvens era gartegiada en il Tessin.
En il rom dal program da reintroducir en Svizra tschess barbets, han ins pudì metter en libertad 163 animals. Ils emprims cuaditschs gartegiads da tschess barbets, èn stads il 2007 en il Grischun ed en il Vallais.
En bleras regiuns da l’Eurasia e da l’Africa dal Nord nua ch’ins chattava savens l’utschè – è il tschess barbet fitg periclità u mort ora.
