Siglir tar il cuntegn

Header

cuntegn

Onuraziun Natallia Hersche obtegna Prix Courage

Il «Prix Courage» 2022 va a Natallia Hersche. La revista «Beobachter» undrescha la dunna da 53 onns per ses engaschament curaschus cunter despotissem, hai num en ina communicaziun. La burgaisa dubla svizzer-belarussa è ida per 17 mais en praschun en il Belarus perquai ch’ella ha fatg part d’ina demonstraziun cunter il fraud electoral dal dictatur Alexander Lukaschenko. Hersche dettia cun sia resistenza ina fatscha als numerus umens e dunnas che demonstreschian di per di publicamain per la democrazia ed ils dretgs fundamentals. Il premi è dotà cun 15'000 francs.

RTR novitads 07:00

Artitgels legids il pli savens