Siglir tar il cuntegn

Header

cuntegn

Ospitals svizzers Donn da 1,7 fin 2,1 milliardas francs pervi da corona

Uschè aut stiman ils ospitals svizzers il donn finanzial per l'onn 2020 pervi da la pandemia da corona. Radund ina milliarda francs manchia pervi dal scumond da tschertas operaziuns durant il lockdown la primavaira. Quai demussa in’analisa da l’uniun «Spitalbenchmark» en collavuraziun cun la firma da cussegliaziun PwC. Er ils custs supplementars pervi dals pazients da Covid-19 e las mesiras da protecziun en quest connex hajan gì in grond effect.

Tessin e Svizra franzosa cun ils pli grond donn

Il chantun Tessin e la Svizra franzosa hajan pers ils pli blers pazients. En la Svizra tudestga haja il manaschi puspè pudì cuntinuar pli spert suenter l'emprima unda.

Las consequenzas da la segunda unda sajan il mument anc grevas da stimar. Ma tenor l'analisa saja da quintar cun pli pitschens donns che durant l'emprima. I saja però er da quintar che quels na vegnian betg cumpensads uschè ferm sco suenter l'emprima unda cun far pli tard operaziuns ch'èn vegnidas spustadas u desditgas.

L’analisa sa basa sin indicaziuns da passa 90 ospitals acuts, passa 30 psichiatrias e passa 30 clinicas da reabilitaziun.

audio
Per tadlar: Las novitads da las 12:00
ord RTR Audio dals 22.12.2020.
laschar ir. Durada: 5 minutas 19 Secundas.

RTR novitads 10:00

Artitgels legids il pli savens