Els lavuran memia bler ed els èn stanchels. En ils ospitals svizzers sa sentan adina dapli medias superiuras e medis assistents sfinids. Quai mussa in’enquista che l'Associaziun svizra dals medis assistents e superiurs ha laschà far.
Il temp da lavur lung saja la raschun
Il temp da lavur che la lescha prescriva vegnia surpassà regularmain en ospitals. Il vice-mainafatschenta da la federaziun, Philipp Tüler, conferma quai. Il sistem da sanadad saja en general sut squitschs. Savens planiseschan ils ospitals en ina emna da 50 uras per medis e medias d'assistenza.
Quai haja er in effect sin ils tractaments: 59% da las medias e medis han rapportà situaziuns nua che pazientas e pazients èn stadas periclitads. Prendì part a l’enquista han var 3’200 medis d’assistenza e superiurs.
audio
Per tadlar: las novitads da las 10:00
ord RTR Audio dals 15.05.2023.
laschar ir. Durada: 2 minutas 57 Secundas.
