Siglir tar il cuntegn

Header

cuntegn

«Overshoot Day» svizzer A partir dad oz viva la Svizra a credit

La Svizra ha duvrà tut sias resursas natiralas e viva a partir dad oz fin la fin da l’onn a credit. Quai almain pertutgant l’energia, surfatschas d’ers, guauds e pastgiras. L'onn passà èsi stà uschè lunsch gia ils 11 da matg. Sche tut ils umans vivissan sco la populaziun svizra, duvrassi las resursas da trais terras per proveder tuttas e tuts. Quai ha communitgà l’organisaziun per la protecziun da l’ambient WWF Svizra a l’uschenumnà «Overshoot Day».

La Svizra vivia uschia sin donn e cust da la proxima generaziun. Il WWF pretenda perquai da la populaziun da reducir ses fastiz ecologic. Quai per exempel cun mangiar damain charn u cun sgular pli pauc. Almain èsi gartegià a la Svizra da spustar il «Overshoot Day» ils ultims diesch onns da mez mars sin mez matg.

Plinavant datti er l’uschenumnà «Earth Overshoot Day» – il di che las resursas globalas èn duvradas. Cura che quel vegn ad esser quest onn, vegn actualmain anc calculà. L’onn passà èsi stà ils 29 da fanadur.

Or da l'archiv

Battaporta declera il «Overshoot Day» en ina seria da videos.

audio
Per tadlar: curt e cumpact
aus RTR Audio vom 13.05.2022.
abspielen. Laufzeit 1 minuta 9 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga