Pertutgant la protecziun da las pajas è il Cussegl federal stà en discurs cun ils partenaris socials davart ina soluziun pussaivla da cumpromiss. Pertutgand la realisaziun interna da las cunvegnas vul il Cussegl federal adattar plirs puncts, sco ch'i ha gì num venderdi suentermezdi avant las medias. La missiva duai vegnir finalisada ils proxims trais mais, suenter decida il parlament en chaussa.
In dals puncts cardinals è vinavant la protecziun da las pajas. Ina maioritad burgaisa refusa la meglra protecziun per las represchentantas ed ils represchentants da lavurants, ch’èn vegnids pretendids spezialmain dals sindicats. Il Cussegl federal saja dentant da l’avis che la mesira saja indispensabla per mantegnair en equiliber il pachet per la protecziun da las pajas. Perquai duain ils discurs cun ils partenaris socials davart in’eventuala soluziun da cumpromiss cuntinuar.
