Tschintg onns e mez suenter avair terminà l'emprendissadi fadian ins en Svizra en media 5'270 francs per mais. Las cifras da l’Uffizi federal da statistica mussan dentant era che las differenzas tranter las branschas èn grondas.
Ella branscha d'informatica è la media la pli auta. Là fadigian emploiadas ed emploiads en media 6'370 francs, bien 20% dapli che la media sur tut las branschas. Cun ina media da 6'060 francs suondan las professiuns da tgira.
Da l'autra vart dal spectrum sa chattan las clamadas en l'agricultura ed en il forestalesser, cun entradas mainsilas da en media 4'630 francs e las emploiadas ed ils emploiads dal sectur da la vendita cun strusch 4'780 francs per mais.
Differenzas mussan las cifras dal BfS era tenor regiun linguistica. Il pli aut è la media cun 5'270 francs en Svizra tudestga ed en il territori rumantsch, pauc pli bassa è la media en Svizra franzosa. En las regiuns talianas, cunzunt en il Tessin gudognan ins cun 4'850 francs dentant bun 400 francs pli pauc.
Per tadlar curt e concis:
