Siglir tar il cuntegn

Header

cuntegn

Pandemia Custs da sanadad creschids il 2021 per 5,9%

Durant il temp da la pandemia èn ils custs da sanadad creschids fermamain. 5,9% dapli èn vegnids dads ora il 2021 per la sanadad, cumpareglià cun 2020. Quai temp è stà influenzà fermamain da la pandemia, scriva l'Uffizi federal da statistica vitiers.

Dapli custs en ils ospitals

Cunzunt ils indrizs da sanadad ambulants han custà dapli il 2021. En ils ospitals èn ils custs stads 4,4% pli auts che durant il 2020. En tut ha il sistem da sanadad custà 84,6 milliardas francs, 4,8 milliardas dapli che durant il 2020.

Cunzunt il stadi haja pajà quest augment (74,6% da l'augment). En tut ha il stadi surpiglià 10,1% dapli custs da sanadad durant il temp da la pandemia. Er las cassas da malsauns han pajà ina pli gronda cumpart, numnadamain 5,3%.

Per persuna è uschia vegnì dà ora mintga mais 827 francs per la sanadad.

audio
Per tadlar: las novitads da las 11:00
ord RTR Audio dals 25.04.2023.
laschar ir. Durada: 3 minutas 55 Secundas.

RTR novitads 11:00

Artitgels legids il pli savens