La Confederaziun na po per il mument betg tschentar ora certificats da Covid per persunas guaridas sin basa da tests d'antigen. La raschun èn problems tecnics, sco quai che l'Uffizi federal per tecnica ed informatica communitgescha. Atgnamain avessan ils novs certificats gì da vegnir tschentads ora a partir da glindesdi.
Entant vegnian mo paucas persunas dad esser pertutgadas. Be tests d'antigen fatgs ils 24 da schaner u pli tard legitimeschian in tal certificat.
La Confederaziun aveva decis d'introducir quels sco schliaziun transitorica perquai ch'ils tests da PCR èn vegnids stgars pervia da l'unda dad omicron. Tenor il BAG èsi sa mussà ch'il resultat da tests d'antigen è fitg segir durant la situaziun actuala.
