La plattafurma Lobbywatch ha preschentà sia analisa davart mandats da parlamentarias e parlamentaris federals e tgi che sa lascha pajar quels il pli savens.
Dentant: Nua èn las Grischunas ed ils Grischuns a Berna insumma tut da la partida? RTR fa transparent tge mandats ch'ils 7 parlamentaris han – sper lur uffizi en il Cussegl naziunal ed il Cussegl dals chantuns.
Il cusseglier dals chantuns Martin Schmid ha tenor las infurmaziuns da Lobbywatch 16 mandats e lascha pajar tut quels. Cunquai figurescha el sin plaz 3 sch'i va tenor la cumpart da mandats pajads. E quai èn ses mandats:
Il segund cusseglier dals chantuns Stefan Engler figurescha sin plaz 15 en questa rangaziun. El ha cun 12 medemamain blers mandats – dentant betg tants pajads.
Sch'i va tenor il dumber, alura è cusseglier naziunal Martin Candinas a la testa da la delegaziun grischuna cun 20 mandats.
Il cusseglier naziunal Jon Pult lascha pajar in onurari per dus da ses nov mandats.
La cussegliera naziunala Magdalena Martullo-Blocher ha surtut mandats en connex cun l'interpresa a Domat, en tut 12.
Insumma dat en egl che las dunnas han pli paucs mandats sper lur engaschi politic a Berna. Anna Giacometti ha set..
...e Sandra Locher Benguerel otg.
Lobbywatch è in'uniun svizra che tematisescha ils lioms d'interess tranter parlamentaris e firmas, associaziuns ed uniuns. Er l'influenza da questas organisaziuns sin la politica vegn analisada.