Sco il Cussegl naziunal ha er ina maioritad dal Cussegl dals chantuns ditg Gea a reglas pli severas per la lavur d'intermediatur da las assicuranzas, quai cun 32 cunter 11 vuschs. Questa stgaffescha la basa legala per in scumond da l'uschanumnada acquisa fraida. Quai vul dir che assicuranzas na pon betg telefonar per acquistar novs clients. Cusseglier federal Alain Berset ha ditg durant la debatta che tals telefons da reclama sajan ina funtauna per gritta e che l'autoregulaziun da la branscha n'haja betg funcziunà. La nova lescha federala duai regular la reclama per telefon, l'utilisaziun da call-centers e limitar provisiuns.
Pervi dad ina differenza tar il reglement cun la decleranza impegnativa e la cunvegna da la branscha va la fatschenta enavos en il Cussegl naziunal.