Siglir tar il cuntegn

Header

cuntegn

Partida verda Balthasar Glättli ha propagà in «Green New Deal»

Il president da la Partida verda, Balthasar Glättli, ha propagà in «Green New Deal» a la radunanza da delegads a Windisch. Tenor Glättli giaja là per preperar il terren per in futur verd.

Cun la resoluziun «Green New Deal» veglian ils verds minimalisar las consequenzas economicas da la crisa sin il carstgaun ed il medem mument promover ina transfurmaziun ecologica.

La crisa da corona haja mussà ch’ins possia mobilisar en situaziuns d’urgenza resursas individualas e communablas da grondezza enorma. Cun il medem engaschi stoppian ins uss er realisar schliaziuns concretas per la crisa dal clima.

2040 senza emissiuns

Ils verds han preschentà l’emna passada lur plan per il clima. Els pretendan che la Svizra n'emetta il 2040 nagin CO2 pli e ch’ella extrai schizunt CO2 ord l’atmosfera.

video
Verds preschentan plan pel clima (Tagesschau dals 05.08.2020)
Or da Tagesschau dals 05.08.2020.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga