En il chantun Berna han ils commembers e las commembras da la Partida cristiandemocratica (PCD) e la Partida burgais-democratica (PBD) approvà ina fusiun. La PCD cun 93 pertschient da las vuschs. La PBD schizunt cun 95 pertschient. Quai han communitgà las partidas. En il futur duain las partidas vegnir ensemen sut il num «Allianza dal Center Berna».
Sin basa naziunala decidan ils delegads e las delegadas da la PBD questa sonda – quels da la PCD ils 28 da november en chaussa.
Situaziun en Grischun
La PBD Grischuna è per ina fusiun cun la PCD. Delegadas e delegads da la PBD Grischun dattan cartaivlamain suatientscha a quella fusiun.
Tar la PCD Grischuna na datti anc nagina tendenza clera. Quai ha mussà ina retschertga tar intgins exponents da la partida.
audio
«Allianza dal Center» – reacziuns d'exponents da la PCD
ord Actualitad dals 27.10.2020.
laschar ir. Durada: 6 minutas 35 Secundas.