Ils socialdemocrats vulan dapli investiziuns statalas en ils secturs publics ed en la tgira per uschia far frunt a la crisa da corona. La crisa tutgia cunzunt ils pitschens. Quai ha ditg il president da la Partida socialdemocratica da la Svizra, Christian Levrat durant ina conferenza da video. Quai saja glieud cun pitschnas entradas, quels che lavurian sur sasez – e cunzunt las dunnas.
Program da conjunctura
Ina gronda part da la lavur privlusa e betg bain pajada fetschian las dunnas, ha ditg la cussegliera naziunala dal chantun Berna, Tamara Funiciello. Sco exempel ha ella numnà il sectur da tigra, las apotecas ed il commerzi en detagl. Questas professiuns che sajan relevantas per il sistem stoppian vegnir sustegnidas cun in program da conjunctura. Applaus persul na bastia betg.
Ord l'archiv
