La moziun da Paul Rechsteiner (PS/SG) avess pretendì ina midada al ius soli, fin uss vala en Svizra il ius sanguinis, vul dir: il lieu da domicil dals geniturs vegn er dà vinavant als uffants.
La sanestra ha argumentà senza success, che tgi ch'è naschì e creschì qua, duai er vegnir renconuschì sco commember cumplain da la societad. Ozendi possia passa in quart da la populaziun svizra betg vuschar u eleger.
La moziun è uschia giud maisa – la discussiun areguard la natiralisaziun però anc betg. Ord la societad datti gia emprims indizis per in'iniziativa en chaussa. Quella avess probabel er il sustegn da la sanestra en il parlament.
