Siglir tar il cuntegn

Header

cuntegn

Passa 5 milliuns francs Eroport da Lugano-Agno è salvà per in onn

L'eroport da Lugano-Agno survegn aria, almain per in onn è il manaschi salvà.
Il cussegl communal da Lugano è suandà glindesdi saira al cussegl da la citad ed ha approvà cun 43 cunter 11 vuschs in plan da salvament che cumpiglia trais credits da total passa 5 milliuns francs: 3,6 milliuns francs per la rechapitalisaziun da Lugano Airport SA (LASA), 1,38 milliuns francs per las segirtads dal las perditas fin la fin da l'onn 2019 e 780'000 francs per las segirtads da 60% da las perditas ch'ins quinta per l'onn 2020.

Il cumenzament da november aveva gia il parlament chantunal consentì agid finanzial, quai cun pretender ina clera strategia.

Concurs sco derivanza dals problems

L'eroport da Lugano-Agno ha pers blers sgols suenter che pliras societads aviaticas han fatg concurs. Cumenzà avevi cun il grounding da la Airline Darwin la fin da l'onn 2017. Silsuenter è anc la societad aviatica da la Slovenia Adria Airwys ida en concurs. Tras quest concurs èn ils sgolas tranter Lugano e Turitg vegnids stritgads. Uschia porscha uss la Swiss e la SBB dapi ils 16 d'october mintgamai in sgol tranter la staziun da Lugano e l'eroport a Turitg.

Ord l'archiv

Video
Grounding Adria Airways tutga eroport Lugano
Or da Schweiz aktuell dals 24.09.2019.
laschar ir
RTR novitads 06:00