Cleramain ils pli blers donns ha chaschunà il sbuvaditsch a Schwanden l’avust. Quai resulta da las datas da l'Institut federal per la perscrutaziun da guaud, naiv e cuntrada. 30’000 meters cubic material èn arrivads fin en il vitg. Avant avevan las autoritads evacuà passa 100 persunas or da chasas e manaschis. Il sbuvaditsch ha destruì pliras chasas.
En tut han sbuvaditschs chaschunà la gronda cumpart dals donns en Svizra il 2023, cun 66%. Era las crudadas da crappa han manà cun 7%, ad ina cumpart pli gronda ch’en media da la summa dals donns. Quai correspundia passa trais giadas dapli che la media sur blers onns. La culpa è la crudada dals 15 da zercladur a Brinzauls.
Paucas inundaziuns
Auas grondas e bovas da glitta han tenor il rapport da l'institut federal manà cun 27% dals custs dals donns – gì ina cumpart relativamain pitschna dals donns. Bain ha plievgia permanenta procurà la fin d'avust, cunzunt en il Tessin ed en la Svizra Orientala per ina situaziun tendida d'aua gronda. Ils donns chaschunads quests dis sajan dentant restads survesaivels, scriva l'institut.
2005 è stà il pir onn
Gia dapi l'onn 1972 registreschan ils perscrutaders da l'institut federal en incumbensa da la Confederaziun sistematicamain ils donns tras malauras. Quai sin basa da rapports da medias. En questa retscha da datas da 52 onns sa chatta l'onn 2023 sin plaz 37. En quests onns han las malauras custà en media annualmain 311 milliuns francs.
Cun distanza ils blers donns tras malauras ha la Svizra gì l'onn 2005. Lura avevan las auas grondas, ils sbuvaditschs ed auters eveniments chaschunà donns da radund 3,5 milliardas francs.
