Siglir tar il cuntegn

Header

cuntegn

Pendicularas Grischun e Tessin han gì buna stad, il rest da la Svizra betg

Cumpareglià cun il 2019 pon sulettamain il Grischun ed il Tessin nudar in plus tar las entradas. Il Grischun dumbra in'augment da 24% ed il Tessin ha 21% dapli entradas. La svieuta è s'augmentada tar omasdus chantuns per radund in tschintgavel, cumpareglià cun il onn 2019, avant corona.

En las autras regiuns èn las svieutas sa reducidas, per part schizunt per 62%, sco per exempel en la Svizra Centrala. Quai mussan las novas cifras da las Pendicularas Svizras. Ils mais avust e settember sajan da principi stads buns mais – quels possian però betg far bun ils deficits dal mais da plievgia – il fanadur.

Las vacanzas da stad èn a fin en tut la Svizra ed en las bleras regiuns n'han las vacanzas d'atun anc betg entschet. Uschia manchian las famiglias che stettian plirs dis u in'entira emna, scrivan las Pendicularas Svizras. Persuenter vegnian puspè dapli persunas pensiunadas e sportists e sportistas en ils culms.

En la Svizra Centrala ed il Oberland Bernais hajan ils giasts da l'exteriur mancà. Perquai sajan las cifras negativas.

audio
Per tadlar: Las novitads da las 12:00
05:07 min, RTR Audio dals 08.10.2021.
laschar ir. Durada: 05:07 minutas.

RTR novitads 12:00

Artitgels legids il pli savens

Scrollar a sanestra Scrollar a dretga