Siglir tar il cuntegn

Header

cuntegn

Pendicularas svizras Bilantscha positiva da la stad

La stad 2022 saja stada buna, scriva l'associaziun Pendicularas Svizra en ina communicaziun. La svieuta è stada 13% pli auta ed il dumber d'emprimas entradas 5% pli aut che la media da tschintg onns. Cumpareglià cun la stad 2021 è la svieuta schizunt creschida per 27% e las emprimas entradas per 18%. Quai grazia a bler sulegl ed autas temperaturas a l'entschatta da la stagiun. L'october chaud n'ha dentant betg carmalà ils Svizzers en la muntogna.

Situaziun en il Grischun

Auter vesa la situaziun ora en il Grischun. Tar las pendicularas grischunas è la svieuta s'augmentada per be 5% cumpareglià cun la stad 2021. Ed emprimas entradas han las pendicularas grischunas perfin gì 5% damain. Cumpareglià cun la media dals davon tschintg onns è la svieuta dentant creschida per 30%, cun in auzament d'emprimas entradas da 7%.

audio
Per tadlar: curt e cumpact
ord RTR Audio dals 08.11.2022.
laschar ir. Durada: 59 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga