Las pendicularas svizras discurran d'ina partenza legraivla en la stagiun da skis. Avant paucs dis avevan gia las pendicularas grischunas ditg ch'ellas sajan cuntentas.
Dapi che la stagiun ha cumenzà, han las pendicularas svizras registrà in plus sur 30%, cumpareglià cun l'onn avant. Tar las emprimas entradas han ellas registrà, en cumparegliaziun cun la media dals ultims tschintg onns, in plus da 31%, tar la svieuta in plus da 19%.
Restar precaut
Ils territoris da skis hajan mussà che ir cun skis possia esser in divertiment d'enviern segir e quai malgrà corona. Grazia a las bunas cundiziuns da naiv hajan ultra da quai blers territoris da skis pudì avrir pli baud, uschia hai numn en la communicaziun. Era sch'il start saja stà bun, ins stoppia restar precauts: La situaziun da corona saja tendida. Prima prioritad haja la segirtad dals giasts. Perquai avevan plirs chantuns serrà il december lur territoris da skis u reducì las capacitads da cabinas e gondlas sin 2/3.
Or dal Telesguard dals 03-01-2022
Era las pendicularas grischunas han gì in bun start. Quai munta denant era blera lavur per la gastronomia en ils territoris da skis. Els han gì ils mauns plains da far. Per il persunal è quai stà in grond stress.
