Siglir tar il cuntegn

Header

cuntegn

Per ils dis da festa Pleds consolants ed avertents dal president da la Confederaziun

Ins duai giudair il dis da festa ensemen cun la famiglia, ha scrit il persident da la Confederaziun, Guy Parmelin, sin Twitter. Il medem mument ha el però er averti: «Nus na duessan betg emblidar che la pandemia na fa nagina pausa.» El ha cusseglià dad esser precaut, tegnair distanza e sa laschar testar sch'ins haja sintoms.

Ses collega e successur sco president da la Confederaziun, Ignozio Cassis, ha ditg che la pandemia haja bain midà ils plans per Nadal. Ella na impedeschia però betg da stimar quai che collia nus. «Lain festivar en sgirtad», ha el scrit sin Twitter.

Temp da vacanzas er per il Cussegl federal

Er la regenza svizra è uss en vacanzas. La proxima sesida dal Cussegl federal è planisada per ils 12 da schaner. Per il cas che la situaziun da corona avess dentant da vegnir mendra, pudess el era s'inscuntrar gia pli baud.

L'Uffizi federal da sanadad (BAG) ha laschà savair ch'i na vegnian betg communitgadas cifras da corona sur il dis da firà. Quai munta naginas cifras dals 24 fin ils 26 da december sco er dals 31 da december fin ils 2 da schaner.

audio
Per tadlar: Las novitads da las 17:00
ord RTR Audio dals 24.12.2021.
laschar ir. Durada: 3 minutas 32 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga