Il concern da farmazia Novartis vul ir a la bursa cun sia sparta da generica, Sandoz, sco firma independenta. Quest pass saja planisà per la segunda mesadad da l'auter onn, communitgescha Novartis. Sandoz cumpiglia tranter auter la fatschenta cun medicaments senza recept. La fatschenta cun medicaments senza patent, ha fatg 2021 radund 10 milliardas dollars svieuta – quai è radund 20% da la svieuta dal concern. L'onn passa aveva Novartis annunzià d'examinar tut las opziuns per Sandoz.
L'examinaziun haja ussa mussà ch'ina separaziun da la firma saja en il meglier interess per acziunarias ed acziunaris. Cunquai naschia il pli grond purschider da generica europeic, uschia Novartis. Il cussegl d'administraziun sco era acziunaris ed acziunarias ston anc approvar la midada.
