Novartis ha fatg damain gudogn en l’emprima mesadad da l’onn. Concret è quel sa reducì sin 3,9 milliardas dollars. Quai saja var ina milliarda damain ch’avant in onn, scriva il concern da farmazia. Ina da las raschuns per quest svilup èn las perditas da valita. Er la svieuta stagnescha e resta pli u main sco l’onn passà. Sco ch'il concern communitgescha, era la svieuta en il segund quartal tar 12,8 milliardas dollars.
La fin da zercladur aveva Novartis annunzià da stritgar 1’400 plazzas en Svizra e 8’000 en l’entir mund ils proxims 3 onns.
