La Swiss vul collavurar l'enviern cun la societad aviatica da la Lettonia «Air Baltic». Quai ha communitgà la societad aviatica svizra. La «Air Baltic» duaja manar enfin sis aviuns dal tip Airbus A220 per incumbensa da la Swiss.
Questa cooperaziun duai stabilisar il plan da sgols e purtar dapli segirtad da planisar per ils passagiers. Ultra da quai portia ella in ulteriur levgiament per il persunal da cabina. Questa stad ha la Swiss sco er las bleras autras societads aviaticas gì stretgas da persunal e stuì stritgar blers sgols.
