Siglir tar il cuntegn

Header

Legenda: L'ovra d'electricitad da la BKW a Mühleberg. Auts pretschs d'energia fan pli ristgusa la fatschenta d'energia.
cuntegn

Per segirar la producziun BKW prepara opziun da prender si grond credit

Damai ch'ils producents d'energia ston adina porscher ina segirtad per lur purschida d'energia, sa preparan las Ovras d'electricitad bernaisas. Ellas hajan la pussaivladad da prender si radund 2 milliardas francs tar pliras bancas, han las Ovras bernaisas communitgà.

Sche la BKW na pudess betg producir energia, stuess ella pajar indemnisaziuns als clients, e quai tar ils pretschs actuals dal martgà. Cun quai che quels èn il mument fitg auts, è la BKW sa preparada: ella po en cas da problems en la producziun prender si 2 milliardas francs credits. Quai ha la BKW annunzià glindesdi.

Cun quai n'è la BKW betg dependenta d'agid da la Confederaziun sco l'Axpo. Quella vegn en il cas da problems en la producziun sustegnida cun credits da 4 milliardas francs da la Confederaziun. La BKW survegniss quels credits da differentas bancas en furma d'in uschenumnà credit da sindicat.

En princip profiteschan ils producents d'energia dals auts pretschs d'energia, chaschunads da la guerra en l'Ucraina. Dentant creschan er ils ristgs en il martgà d'energia.

audio
Per tadlar: las novitads da las 12:00
ord RTR Audio dals 28.11.2022.
laschar ir. Durada: 4 minutas 42 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga