Siglir tar il cuntegn

Header

Navigaziun

carta cun mustér fin vevey.
Legenda: RTR Grafica, SWISSTOPO
cuntegn

Per tadlar suenter Il viadi da Mustér a Vevey cun ils berniers

Durant in'emna èn 15 bernieras e berniers sin viadi a pe da Mustér vers Vevey. Nos redactur Pietro Jacomet accumpogna la gruppa da berniers e rapporta cuntinuadamain live dal trec da sauma.

Tge è il trec da sauma?: Ina gruppa da 15 bernieras e berniers cumenza ils 16-7 a Mustér cun il trec da sauma. Durant in'emna transporta la gruppa spezialitads Grischunas davent da Mustér fin Vevey (fin Brig a pe e vinavant cun auto/traffic public). La finamira ed il punct culminant è il di chantunal grischun (23-7) a la gronda «Fête des Vignerons» a Vevey. Il trec da sauma vegn organisà da GrischunVIVA.

ruta planisada dal trec.
Legenda: RTR Grafica / swisstopo

Las etappas

Data
Ruta
Info dal tschancun

16-7Mustér – Sedrun8 km / 3 h / 400 m ensi, 130 m engiu

17-7Sedrun – Ursera19 km / 6 h / 900 m ensi, 870 m engiu
18-7Ursera – Realp9 km / 3 h / 180 m ensi, 80 m engiu
19-7Realp – Oberwald
20 km / 7 h / 1000 m ensi, 1200 m engiu
20-7Oberwald – Ernen26 km / 5 h / 150 m ensi, 300 m engiu
21-7Ernen – Brig21 km / 6 h / 730 m ensi, 1090 m engiu
22-7Brig – Veveytransfer cun bus/traffic public

Finamira: Tras il viadi da sauma duajan persunas vegnir sensibilisadas per il Grischun; en emprima lingia per sias spezialitads, ses products, sia cultura e sias tradiziuns. Il trec da sauma duai era laschar reviver la tradiziun da sauma. Plinavant duai el rinforzar il barat tranter ils chantuns da muntogna e mussar ina furma da tractar animals e resursas natiralas cun respect.

RTR live: Nos redactur Pietro Jacomet accumpogna la gruppa da berniers sin l'entir trec da sauma. El rapporta cuntinuadamain live da las aventuras sin ils differents vecturs (radio, online e social media).

RR actualitad 17:45