L'iniziativa vul regular da nov il sistem d'eleger ils derschaders federals. Ils derschaders federals duain vegnir elegids cun trair la sort. Uschia duessan l'elecziun sco er ils derschaders esser pli independents da la politica. Quai vulan ils iniziants. Oz elegia il parlament ils derschaders federals. Quai vul dir, che per avair schanzas da daventar derschader federal ston ins esser commembra u commember d'ina partida.
Per il Cussegl federal na funcziun l'idea da l'iniziativa da giustia dentant betg. Il Cussegl federal ha tema che cun trair la sort dals derschaders federals perdess il tribunal sco era las sentenzias acceptanza. E quai faschess pli debel il tribunal. Perquai refusa il Cussegl federal l'iniziativa.
audio
Per tadlar – curt e concis
ord Actualitad dals 27.11.2019.
laschar ir. Durada: 1 minuta 5 Secundas.
RTR novitads 12:00