Siglir tar il cuntegn

Header

cuntegn

Perdita da 3 milliardas francs La Banca naziunala svizra scriva puspè cifras cotschnas

  • La Banca naziunala svizra SNB ha il 2023 puspè fatg ina perdita.
  • Uschia na datti sco gia l'onn avant nagins daners da la banca per la Confederaziun ed ils chantuns.
  • Ils quints provisorics da la banca naziunala mussan per l'entir onn 2023 ina perdita da radund 3 milliardas francs. L'onn avant era il minus stà passa 132 milliardas.

Sco la Banca naziunala svizra communitgescha, ha ella era fatg gudogns en tscherts secturs da fatschenta. Tar las posiziuns da las valutas estras munta il gudogn a radund 4 milliardas francs, e sin il mantun aur datti in gudogn da valitaziun da 1,7 milliardas. Ina perdita da 8,5 milliardas francs resulta il 2023 dentant tar las posiziuns dal franc.

Perdita da bilantscha da 53 milliardas francs

Pervi da la perdita na survegnan la Confederaziun ed ils chantuns er quest onn nagins daners da la Banca naziunala svizra. Ultra da quai na survegnian er ils acziunaris nagina dividenda.

Suenter far novas provisiuns per las reservas da valutas en l'autezza da passa 10 milliardas francs, e cun resguardar la reserva da pajaments negativa da bunamain 40 milliardas – resulta ina perdita da bilantscha da radund 53 milliardas francs. Las cifras definitivas publitgescha la SNB lura l’entschatta da mars.

audio
Per tadlar: Las novitads da las 9
ord RTR Audio dals 09.01.2024.
laschar ir. Durada: 2 minutas 22 Secundas.

RTR novitads 08:00

Artitgels legids il pli savens